Xornada de traballo no CIFP Carlos Oroza
“Fomentando o diálogo e a cooperación entre o sector académico e empresarial”
O pasado luns, 19 de maio, un grupo de empresarios e representantes de diferentes institucións da provincia de Pontevedra, nos acompañaron nunha xornada de traballo que serviu para intercambiar opinións, coñecer as instalación nas que se forman os futuros profesionais da hostalaría e o turismo e compartir información sobre diferentes temas que son de interese para o sector. Entre estes temas tratouse o proceso de acreditación de competencias, os perfís profesionais que demandan as empresas de hostalaría e turismo de Pontevedra e a posibilidade de realizar formación continua por parte dos traballadores das mesmas.
A xornada deu comezo ás 11.30 horas cun pequeno almorzo que se desenvolveu na aula cafetaría Suso Domínguez, continuando cunha visita ás instalacións do centro (talleres, aulas e zonas comúns). Deuse paso despois a unha charla informativa e rematouse a xornada cun xantar no aula restaurante Álvaro Cunqueiro ao que asistiron o Xefe Territorial de Educación, a concelleira de Turismo, o concelleiro de Educación, o alcalde do Grove, a secretaria do concello do Grove e a inspectora de educación, Adoración de la Fuente.
Queremos agradecer especialmente a súa presenza a todas as empresas colaboradoras que nos acompañaron:
- Gran Hotel de la Toja
- Hotel Rías Bajas
- Restaurante La Tienda de Clara
- Confitería Capri
- Panadaría A Devesa
- Panadaría Pondal
- Panadaría Campolongo
- Confitería Lorena
- Pastelaría Nel
- Museo de Pontevedra
- Museo Valle-Inclán de Vilanova de Arousa
- Oficina de Turismo de la Xunta de Galicia en Pontevedra
- Asociación de Genealogía y Heráldica
- Servicio Provincial de Turismo de Pontevedra
Agradecemos tamén contar coa presenza de Alberto Traversa e Kike Gª Cerviño, da revista gastronómica dixital La Alacena Roja, autores das fotografías que acompañan esta información.
