A quen vai dirixido?
Este ciclo formativo vai dirixido a aquel alumnado que non obtivo o título de graduado en ESO. Si este é o teu caso, debes saber que este nivel formativo corresponde a categoría 1 do Catálogo Nacional de Cualificación Profesionais, polo que servirache como base para proseguir outros estudos regrados podendo facer unha carreira académica e profesional no ámbito da FP e propiciar a túa inserción no mercado laboral.
Superar cada ano natural neste sistema de ensinanza obrigatoria, alternativa ao último ano de ESO, implica que obteñas o título de Técnico Profesional Básico, que che da opción de seguir estudando ciclos formativos de Grado Medio. Ademais, outra opción a que che da lugar a FP Básica unha vez superado con éxito o ciclo formativo é que poidas obter o teu título de ESO.
Cales son os requisitos de acceso?
Consulta os requisitos de acceso e admisión vixentes no seguinte enlace da páxina oficial do portal de FP Galicia.
Que se aprende a facer?
Realizar con autonomía as operacións básicas de preparación e conservación de elaboracións culinarias sinxelas no ámbito da produción en cociña, así como as operacións de preparación e presentación de alimentos e bebidas en establecementos de restauración e catering, asistindo nos procesos de servizo e atención á clientela, seguindo os protocolos de calidade establecidos, cumprindo as normas de hixiene, prevención de riscos laborais e protección ambiental, con responsabilidade e iniciativa persoal, e comunicándose oralmente e por escrito en linguas galega e castelá, así como nalgunha lingua estranxeira.
En que ámbitos se traballa?
Actividades por conta allea en pequenas, medianas e grandes empresas do sector da hostalaría, en establecementos de restauración, bares e cafetarías, en tendas especializadas en comidas preparadas e en empresas dedicadas ao almacenamento, o envasamento e a distribución de produtos alimenticios. Tamén poden traballar por conta propia en pequenos establecementos dos subsectores de hotelaría e restauración tradicional, moderna ou colectiva.
Que ocupacións se desempeña?
Axudante ou auxiliar de cociña; axudante de economato de unidades de produción e servizo de alimentos e bebidas; auxiliar ou axudante de camareiro/a en sala; auxiliar ou axudante de camareiro/a en bar-cafetaría; auxiliar ou axudante de barman; auxiliar ou axudante de cociña en establecementos onde a oferta estea composta por elaboracións sinxelas e rápidas (tapas, pratos combinados, etc.); axudante de economato de unidades de produción e servizo de alimentos e bebidas.
Cales son os módulos?
Curso | Código | Módulo profesional | Horas | Períodos semanais |
---|---|---|---|---|
1º | MP3036 | Aprovisionamento e conservación de materias primas e hixiene na manipulación | 117 | 4 |
1º | MP3005 | Atención á clientela | 58 | 2 |
1º | MP3009 | Ciencias aplicadas I | 175 | 6 |
1º | MP3011 | Comunicación e sociedade I | 206 | 7 |
1º | MP3035 | Procesos básicos de produción culinaria | 179 | 6 |
1º | MP3034 | Técnicas elementais de preelaboración | 175 | 6 |
2º | MP3042 | Ciencias aplicadas II | 162 | 7 |
2º | MP3012 | Comunicación e sociedade II | 135 | 6 |
2º | MP3039 | Preparación e montaxe de materiais para colectividades e catering | 90 | 4 |
2º | MP3038 | Procesos básicos de preparación de alimentos e bebidas | 164 | 7 |
2º | MP3037 | Técnicas elementais de servizo | 157 | 7 |
2º | MP3041 | Formación en centros de traballo (para acceder ás prácticas en empresa debes ter superados todos os módulos de 1º e 2º curso) | 320 | 8 |
Que título ou acreditación se obtén?
Título de Técnico básico en Cociña e Restauración.
A que outros estudos se pode acceder?
- A calquer ciclo formativo de grado medio, nas condicións de admisión que se establezcan.
- Se queres continuar os teus estudos na Hostalería e Turismo tes opción a obter unha carreira académica e profesional no CIFP Carlos Oroza, podendo cursar: Ciclo Medio de Cociña e Gastronomía, Ciclo Medio de Servizos de Restauración, Ciclo Medio de Panadería, Confitería e Repostería.