Organización

O Decreto 266/2007, do 28 de decembro, regula os centros integrados de formación profesional na Comunidade Autónoma de Galicia. Estes centros defínense como institucións ao servizo da cidadanía e do sector produtivo, cun obxectivo claro axudar ás persoas a cualificarse e recualificarse ao longo da súa vida, en función das súas expectativas profesionais.

Os centros integrados de formación profesional temos tres tarefas principais atender as necesidades de cualificación inmediatas e emerxentes do sistema produtivo ser un referente de orientación para o tecido empresarial e para o sistema formativo do noso contorno integrar as distintas ofertas de formación profesional e aproveitar ao máximo os recursos humanos e materiais dispoñibles.

Pola súa natureza e polas funcións que desenvolvemos, contamos cun marco propio de organización, funcionamento e goberno. Para cumprir cos nosos fins, os centros integrados dispomos de órganos de goberno, participación e coordinación, de acordo co artigo 12 do Decreto 266/2007.

Os órganos unipersoais de goberno forman o equipo directivo. É o grupo que lidera e coordina o día a día do centro, co obxectivo de garantir a calidade, a boa organización e a excelencia do servizo educativo que ofrecemos.