Bolsa de emprego
No CIFP Carlos Oroza disponse dunha bolsa de emprego xestionada polo departamento de Información e Orientación Profesional.
A xestión da bolsa de emprego ten establecido un protocolo mediante o cal se desenvolve:
- Recepciónase a oferta por parte dos empresarios ou de recursos humanos no DIOP, cubrindo unha ficha interna con todos os datos. Posteriormente, previa autorización da empresa a oferta publícase na plataforma EmpleaFP e as redes sociais do departamento.
- Elabórase unha etiqueta coa información básica da oferta e un código, elemento básico para que o alumnado titulado solicite os datos da oferta e o contacto da empresa.
- Publícase esta etiqueta nas redes sociais do DIOP:
- O alumnado do centro que estea interesado nas ofertas de emprego publicadas, debe poñerse en contacto co departamento de Información e Orientación Profesional. Unha vez verificada a identidade do interesado ou interesada como alumnado ou exalumnado do centro se lle facilita a información da oferta de emprego na que teña interese.
- A información se lle proporciona ao alumnado seguindo un principio de non discriminación, e se lle facilita o contacto da empresa se cumpre os requisitos de titulación e experiencia requiridos. O centro non realiza, en ningún caso, selección de alumnado para ningún posto de traballo dos ofertados na bolsa de emprego.
- Se se precisa máis información sobre o procedemento da bolsa de emprego, contacten co departamento de Información e Orientación Profesional: orientacion.cifp.carlos.oroza@edu.xunta.gal
Nos seguintes enlaces podes obter información sobre outras vías para atopar emprego:
EMPLEAFP
É unha bolsa de emprego nada da colaboración entre centros de Formación Profesional e as empresas. Baixo o paraugas da asociación FPEMPRESA, é un proxecto sen ánimo de lucro que se centra en potenciar a FP na nosa sociedade, e facilitar a inserción laboral do alumnado titulado no ámbito nacional.
