Premio da Crítica de Galicia 2025 en Cultura Gastronómica
O CIFP Carlos Oroza foi distinguido cos Premios da Crítica Galicia 2025, na categoría de Cultura Gastronómica, un recoñecemento que dende 1978 destaca a excelencia e a relevancia dos traballos máis significativos nos diferentes ámbitos da creación e da investigación en Galicia.
O xurado, formado por Enrique Barreiro Sánchez, Guillermo Campos Piñón, Mariña Fernández, Roberto Filgueira, José Mouriño Cuba, Rebeca Munín e Manuel Gago Mariño, acordou por unanimidade conceder o galardón ao CIFP Carlos Oroza por ser “un centro educativo de calidade en hostalaría, comprometido socialmente e cunha clara vontade de recuperar o patrimonio cultural e gastronómico”.
Unha iniciativa que o xurado definiu como “modélica, que pon en valor a educación como centro do futuro gastronómico da Galicia”.
Este premio é unha honra e un estímulo para continuar traballando co mesmo compromiso, paixón e orgullo pola nosa identidade gastronómica e educativa.
Agradecemos a todo o alumnado, profesorado e persoal de administración e servizos que nalgún momento formou parte da nosa comunidade educativa a súa aportación para ser merecedores dunha distinción tan importante en Galicia.
