O CIFP Carlos Oroza, de novo presente nos premios Princesa de Asturias
O pasado fin de semana o alumnado do CIFP Carlos Oroza tivo a oportunidade de participar na celebración dos premios Princesa de Asturias, concretamente na preparación do bufé e o cóctel de honra que tiveron os galardoados o venres 23.
Desta maneira, os rapaces e rapazas de segundo curso dos Ciclos de Dirección de Cociña e Dirección de Servizos en Restauración (en réxime presencial e Dual) foron testemuñas de todas as xestións e planificacións necesarias neste tipo de eventos, ademais de poder participar activamente nos mesmos e comprobar o protocolo, seguridade e outros coñecementos que sen dúbida enriquecerán a súa experiencia académica e profesional.
