En abril, nova oferta formativa para persoas desempregadas
No mes de abril está prevista no CIFP Carlos Oroza unha nova edición de accións formativas dirixidas a persoas desempregadas, orientadas á mellora da cualificación profesional e á inserción laboral no sector.
En próximas datas abrirase o proceso de selección de participantes para dúas AFD que se desenvolverán no noso centro:
HOTR0108 – Operacións básicas de cociña.
Competencia Xeral: Preelaborar alimentos, preparar e presentar elaboracións culinarias sinxelas e asistir na preparación de elaboracións máis complexas, executando e aplicando operacións, técnicas e normas básicas de manipulación, preparación e conservación de alimentos.
Horas:
- 340 no CIFP Carlos Oroza
- 88 horas de prácticas en empresas
HOTR0109 – Operacións básicas de pastelaría.
Competencia xeral: Preelaborar, elaborar e presentar elaboracións sinxelas de pastelaría e asistir seguindo instruccións na preparación doutras máis complexas, realizando operacións básicas de aprovisionamento interno e aplicando técnicas e normas básicas de manipulación, preparación e conservación de alimentos.
Horas:
- 385 no CIFP Carlos Oroza
- 103 horas de prácticas en empresas
Para máis información, contacten co departamento de orientación ou coa xefatura de estudos do noso centro no 886 159 545.