Formación en Enoturismo no CIFP Carlos Oroza. Descubre o novo ciclo superior de Guía, Información e Asistencia Turísticas especializado en Enoturismo!
Apasiónache o mundo do viño e o turismo? Temos unha nova emocionante para ti! No CIFP Carlos Oroza lanzamos un novo ciclo superior Dual de Guía, Información e Asistencia Turísticas especializado en Enoturismo. Esta é a túa oportunidade para converter a túa paixón nunha carreira profesional.
Desde o primeiro curso, os nosos alumnos realizarán a metade da súa formación en destacadas adegas das DO Rías Baixas e DO Ribeira Sacra. Esta experiencia única permitirache aprender directamente dos profesionais do sector e coñecer en profundidade os procesos e os segredos do enoturismo.
Que che ofrecemos?
- Formación en empresas: A formación práctica realizarase en adegas recoñecidas da nosa contorna, onde adquirirás unha experiencia real e valiosa. Este ciclo formativo en Enoturismo, único en Galicia, vaite preparar para unha carreira exitosa no sector.
- Remuneración: A formación nas empresas está remunerada! Ademais de aprender, empezarás a gañar desde o primeiro día.
- Excelencia académica: Un plan de estudos actualizado e enfocado nas necesidades actuais do sector turístico e enolóxico.
- Ciclo plurilingüe: os módulos do ciclo formativo impariranse en inglés e o modulo de segunda lingua estranxeira en francés.
Empresas colaboradoras
Bodegas de Palacio de Fefiñanes
Requisitos de acceso
Para coñecer os requisitos de acceso, visita a seguinte ligazón.
Inscríbete agora e comeza a túa viaxe no mundo do enoturismo!
Apasiónache o mundo do Turismo ? Non perdas a túa plaza! Infórmate e apúntate hoxe mesmo para comezar a construír o teu futuro nun sector cheo de oportunidades!
