Analizando o márketing dixital da man de José Alcañiz

O márketing dixital e unha das ferramentas clave que teñen as empresas de hostalaría de turismo para posicionarse no mercado fronte á competencia e promover os seus produtos e servizos. Para profundar nas principais ferramentas que ofrece esta disciplina, os pasado día 1 o especialista en márketing dixital José Alcañiz citouse co alumnado dos Ciclos Superiores de Aloxamentos Turísticos e Guía, información e asistencia turística no auditorio da Cidade Infantil Príncipe Felipe.

Durante a charla, os alumnos e alumnas ampliaron os seus coñecementos sobre estratexias como o posicionamento en buscadores, o mailing ou a publicidade en redes sociais; ferramentas clave para que unha entidade turística teña éxito no mercado empresarial actual.