Práctica de protocolo real
O alumnado do CIFP Carlos Oroza realizou unha práctica real no Hotel Reconquista en Oviedo trala entrega dos premios Príncipe de Asturias. No servizo participaron os segundos cursos do Ciclo Superior de Dirección de Cociña e Ciclo Superior de Dirección de Servizos en restauración, nunha experiencia na que puderon constatar o aprendido no módulo de protocolo e na que estiveron acompañados polos profesores Maica Couto, Francisco Prieto, Daniel Pulzoni, Antonio Suárez, e Tina Vázquez, así como polo secretario e director do centro, Juan Ferradás e Manuel Hermo respectivamente.
O menú baseado en produtos típicos asturianos foi elaborado polas diferentes partidas xunto co alumnado alí destinado e que está a cursar a formación profesional na modalidade de dual.
