Illa de Arousa: territorio gastronómico do CIFP Carlos Oroza no día mundial da acuicultura
Unha delegación conformada por profesorado e alumnado do centro déronse cita no IGaFA, Instituto Galego de Formacion en Acuicultura, con motivo da celebración do día da acuicultura. 
Nesta xornada, os dous centros compartiron unha idea: a de trasladar á sociedade a importancia que a acuicultura ten no noso país, así como o compromiso desta co desenvolvemento sostible, a creación de riqueza, o I+D+I, e a mellora do coñecemento que os consumidores teñen dos produtos que proceden da acuicultura. A celebración do acto baixo o título “Cociñando os produtos da acuicultura galega”, tiña como obxectivo a exaltación dos produtos do mar procedentes da acuicultura, poñéndoos en valor a través da xornada colaborativa entre profesorado e alumnado do IGAFA e do CIFP Carlos Oroza de Pontevedra. 
Así, os profesores Jorge Verdeal e Daniel Pulzoni impartiron a charla «Os produtos da acuicultura, aplicación culinaria” sobre a cociña galega e as elaboracións que posteriormente iban realizar, así como as algas como produto cada vez máis en alza, de tal maneira que o alumnado dos ciclos do IGAFa puderan coñecer o resultado final dos produtos que aprenden a cultivar, mentres que o alumnado dos ciclos de hostelería e industrias alimentarias do CIFP Carlos Oroza de Pontevedra tivesen a oportunidade de coñecer como se realiza o cultivo dos produtos de acuicultura que empregan no sector da restauración. 
Posteriormente, organizáronse cinco espazos nos que foron realizadas diferentes elaboracións:
- Arroz cremoso de wakame e mexillóns.
- Mexillóns escabechados, en vinagreta e en salsa entomatada.
- Roliños de linguado ao vapor de ostras e albariño con caviar de pemento vermello.
- Consomé de mar con algas e chupiño de mexillón.
- Almóndigas de troita en caldo de peixe.
- Popietas de troita con xamón e queixo.
- Adiños de rodaballo con cogomelos.
- Mojito de agua mareira con algas.
- Cóctel pasión de ostras con albariño.
[mudslide:flickr,0,109260888@N08,72157638178431843,l,center]
Os produtos utilizados neste acto foron aportados polo Consello Regulador do Mexillón, Asociación Galega de Piscifactorías de Troita (ATRUGAL), Asociación de Produtores de Rodaballo de Galicia (AROGA) e a empresa PORTO-MUIÑOS. Tanto o alumnado como o profesorado suliñaron o aspecto enriquecedor desta prosposta e intercambio entre ámbitos produtivos. Video sobre a xornada: 
O I.Ga.F.A pon en valor as especies que cultiva en colaboración co CIFP Carlos Oroza.
