Dobre titulación en Axencias de viaxes con Guía, Información e asistencia turísticas con especialización en animación turística

A quen vai dirixido?
Esta titulación está dirixida a aqueles estudantes de turismo que desexen desenvolverse como profesionais nos touroperadores máis importantes das provincias de Pontevedra e A Coruña. Estes touroperadores abarcan todo o territorio nacional e gran parte do territorio internacional, proporcionando unha formación completa e global.
Cales son os requisitos de acceso?
Para coñecer os requisitos de acceso, visita a seguinte ligazón.
Que se aprende a facer?
Programar e realizar viaxes combinadas e calquera tipo de eventos, e vender servizos turísticos en axencias de viaxes e a través doutras unidades de distribución, propondo accións para o desenvolvemento dos seus programas de márketing e asegurando a satisfacción da clientela.
Planificar e promocionar destinos turísticos de base territorial, informar sobre eles, e guiar e asistir persoas viaxeiras e clientes nestes destinos, así como en terminais, en medios de transporte, en eventos e noutros destinos turísticos.
En que ámbitos se traballa?
No sector turístico, no subsector das axencias de viaxes polo miúdo, por xunto e mixtas, así como nas axencias especializadas en recepción e eventos. Trátase de traballadores e traballadoras por conta propia que xestionan a súa propia axencia de viaxes ou eventos, ou por conta allea que exercen a súa actividade profesional como empregados/as ou xefes/as de oficina ou de departamento, nas áreas funcionais de administración, de reservas, de produto, e de venda de servizos e produtos turísticos e eventos.
Tamén o que abrangue calquera tipo de eventos, terminais de viaxeiros e empresas de transporte, ademais das áreas turísticas tradicionais, como destinos e puntos de información, entre outros. Ademais, tense capacitación para crear e implantar plans e actividades de desenvolvemento locais, en relación co mesmo sector. Trátase de persoal traballador por conta allea ou por conta propia, incluíndo a posibilidade de ocupar postos na Administracións ou en entes de características similares (consorcios, padroados, etc.).
Empresas colaboradoras
Que ocupacións se desempeña?
Xefe/a de oficina de axencia de viaxes, xefe/a de departamento en axencia de viaxes, axente de viaxes, consultor/ora de viaxes, organizador/ora de eventos, vendedor/ora de servizos de viaxe e viaxes programadas, promotor/ora comercial de viaxes e servizos turís-ticos, empregado/a do departamento de reservas (“booking”).
Guía local, guía acompañante, guía en lugares onde se localicen bens de interese cultural, informador/ora turístico/a, xefe/a de oficinas de información, promotor/ora turístico/a, técnico/a de empresa de consultoría turística, axente de desenvolvemento turístico local, azafata/asistente en medios de transporte terrestre ou marítimo, asistente en terminais (estacións, portos e aeroportos), encargado/a de facturación en terminais de transporte, e asistente en feiras, congresos e convencións.
Cales son os módulos?
Curso | Código | Módulo profesional | Horas | Períodos semanais |
---|---|---|---|---|
1º | MP0171 | Estrutura do mercado turistico | 133 | 5 |
1º | MP0179 | Inglés | 160 | 6 |
1º | MP0383 | Destinos turísticos | 213 | 7 |
1º | MP0384 | Recursos turísticos | 187 | 7 |
1º | MP0401 | Formación e orientación laboral | 107 | 5 |
2º | MPI999 | Lingua estranxeira profesional II | 53 | 2 |
2º | MP0172 | Protocolo e relacións públicas | 105 | 3 |
2º | MP0173 | Márketing turístico | 160 | 4 |
2º | MP0397 | Xestión de produtos turísticos | 105 | 3 |
2º | MP0398 | Venda de servicios turísticos | 123 | 3 |
2º | MP0399 | Dirección de entidades de intermediación turística | 87 | 2 |
2º | MP0385 | Servicios de información turística | 70 | 2 |
2º | MP0387 | Deseño de produtos turísticos | 140 | 4 |
3º | MP0180 | Segunda lingua estranxeira | 157 | 6 |
3º | MP0402 | Empresa e iniciativa emprendedora | 53 | 2 |
3º | MP0386 | Procesos de guía e asistencia turística | 105 | 3 |
3º | MP1125 | Animación e xestión cultural | 213 | 7 |
3º | MP1126 | Animación turística | 140 | 3 |
Que título ou acreditación se obtén?
Técnico superior en Axencias de Viaxes e Xestión de eventos e Guía, información e asistencia turísticas con especialización en Animación sociocultural e turística.